དཔའ་མཛངས་པའི་འཆམ་འདི་ དུས་རབས་བཅུ་དྲུག་པའི་ནང་ དཔལ་ལྡན་འབྲུག་པ་ ངག་དབང་རྣམ་རྒྱལ་གྱི་སྐབས་ལས་ དར་ཁྱབ་བྱུང་ནུག། ཨཔ་དངོས་གྲུབ་རྡོ་རྗེ་ཁོ་ར་གིས་འབད་བ་ཅིན་ ཧེ་མ་ཁོ་ར་སྐྱོ་བྱམས་རབ་གནས་ཀྱི་སྐབས་ དཔའ་མཛངསཔ་སྦེ་ ཕྱག་ཞུ་ཡོདཔ་མ་ཚད་ གཞས་དཔོན་སྦེ་ཡང་ ཕྱག་ཞུ་ཡོདཔ་ལས་ ཁོ་རའི་ཉམས་མྱོང་ཚུ་ཡང་ བཤདཔ་ཨིན་པས།  དཔའ་མཛངས་ཀྱི་ ལམ་ལུགས་འདི་ དེ་བསྒང་ དུས་རབས་ ༡༦ པའི་ནང་ བླམ་ཞབས་དྲུང་ངག་དབང་རྣམ་རྒྱལ་མཆོག་ སྨན་ལྗོངས་འབྲུག་གི་ རྒྱལ་ཁབ་འདི་ནང་ བྱོན་ཞིནམ་ལས་ ཆོས་སྲིད་ལུགས་གཉིས་ཀྱི་བསྟན་པ་སྤེལ་ཏེ་ བཞུགས་པའི་སྐབས་ བོདཔ་དང་ ཕྱི་གླིང་པའི་རྒྱལ་ཁབ་ཚུ་ལས་ དམག་འོང་བའི་སྐབས་ དམག་མིའི་ཚུལ་དུ་ དཔའ་མཛངས་ཟེར་ བཟོ་གནང་གནངམ་ཨིན་པས། ཏེ་ཤུལ་ལས་ དྲག་ཁག་གསུམ་གྱི་དམག་མི་ཟེར་ ལོགས་སུ་སྦེ་ བཟོ་གནང་ཞིནམ་ལས་ དཔའ་མཛངས་ཟེར་ སྤུན་ན་སྒྲོམ་མཆོད་ཀྱི་སྐབས་དང་ གཞན་ཡང་ དུས་ཆེན་ཚུའི་སྐབས་ རྐྱངམ་ཅིག་ ཚུལ་ཙམ་སྦེ་ཐོནམ་ཨིན་པས། ལོ་རྒྱུ་འདི་དུས་སྟོན་འདི་ཚུའི་སྐབས་ དཔའ་མཛངས་ ཐོན་དགོ་པའི་དམིགས་ཡུལ་འདི་ཡང་ གཙོ་བོ་ར་ ཕྱི་ནང་གཉིས་ཀྱི་ དགྲ་འདི་ཚུ་མེད་པར་ ཐལ་བར་རླགས་ནིའི་དོན་ལུ་ཨིན་པས།