Video Overview
This is a video of Drolle from Serchen, Amdo singing a song called "Beneath the Bodhi Tree in India." This song is part of a series of folk songs from the Rebgong cultural area.
འདི་ནི་བདག་ཅག་གི་སྟོན་པ་སངས་རྒྱས་ཤཀྱ་ཐུབ་པ་དང་བོད་ཁ་བ་ཅན་གྱི་ལྷ་སྐལ་འཕགས་མཆོག་སྤྱན་རས་གཟིགས། ཞྭ་སེར་བསྟན་པའི་བདག་པོ་རྗེ་རྒྱལ་བ་བློ་བཟང་གྲགས་པ་གསུམ་གྱི་མཛད་འཕྲིན་ལ་བསྟོད་པའི་གླུ་ཞིག་ཡིན།
གླུ་འདིའི་ནང་དོན་གཙོ་བོ་ནི་སངས་རྒྱས་བཅོམ་ལྡན་འདས་ནི་ངོ་མཚར་བའི་ལྟས་དུ་མ་དང་བཅས་ཏེ་ལིམ་བི་ནིའི་ཚལ་གྱི་བྱང་ཆུབ་ཤིང་དྲུང་དུ་སྐུ་འཁྲུངས་པ་དང་མཐར་མངོན་པར་རྫོགས་པར་སངས་རྒྱས་ཏེ་གདུལ་བྱ་ཡོངས་ལ་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་གསུང་བ་དང་། སེམས་ཅན་ཀུན་འཁོར་བ་དང་ངན་སོང་གི་སྡུག་བསྔལ་ལས་གྲོལ་བར་མཛད་པ་དང་། གནས་མཆོག་རི་བོ་གྲུ་འཛིན་དུ་བདག་ཅག་གི་ལྷ་སྐལ་ཕོག་པའི་མེ་ཏོག་གཅིག་པུ་འཕགས་མཆོག་ཕྱག་ན་པདྨོ་འཁྲུངས་ཏེ་སེམས་ཅན་ཀུན་འཁོར་བ་དང་ངན་སོང་གི་སྡུག་བསྔལ་ལས་གྲོལ་ཆེད་ཆོས་མ་ཎི་ཡིག་དྲུག་གསུངས་བ། མདོ་སྨད་ས་ཡི་ཐིག་ལེ་ཤར་ཙོང་ཁའི་སྐྱེས་རི་མཐོན་པའི་འདབས་རོལ་དུ་རྗེ་རྒྱལ་བ་གཉིས་པ་བློ་བཟང་གྲགས་པ་འཁྲུངས་ཏེ་ཆོས་ཀྱི་གནད་ཟབ་མོ་དག་རིག་པས་གྲོལ་བ་དང་སངས་རྒྱས་ཀྱི་ས་ལ་བགྲོད་པའི་ལམ་གྱི་རིམ་པ་གསལ་བར་གསུངས་ཏེ་སྐྱེ་འགྲོ་ཀུན་འཁོར་བ་དང་ངན་སོང་གི་སྡུག་བསྔལ་ལས་གྲོལ་བར་མཛད་པ་བརྗོད་ཡོད།
- India
- ༼ཡེ་་་་ཡ་རེ་ཡ་རེ་ངས་ཡ་རེ་ལེན་དགོ ཡེ་གླུ་བ་ལོ་ལོ་གླུ་ཞིག་ལེན༽
- སྟོད་རྒྱ་གར་བྱང་ཆུབ་ཤིང་དྲུང་ནས། །
- མགོན་རྒྱལ་བ་ཤཀྱཱ་ཐུབ་པ་འཁྲུངས། །
- ཆོས་སྒོ་མོ་བརྒྱད་ཁྲི་བཞི་སྟོང་གསུངས། །
- ཤི་དམྱལ་བ་མི་ལྷུང་སྐྱིད་ཅིག་ཡོད། །
- ༼ཡེ་་་་ཡ་རེ་ཡ་རེ་ངས་ཡ་རེ་ལེན་དགོ༽
- གནས་པོ་ཏ་ལ་ཡི་ཕོ་བྲང་ནས། །
- ལྷ་འཕགས་མཆོག་སྤྱན་རས་གཟིགས་དབང་འཁྲུངས། །
- ཆོས་མ་ཎི་ཡི་གེ་དྲུག་མ་གསུངས། །
- ཤི་དམྱལ་བ་མི་ལྷུང་སྐྱིད་ཅིག་ཡོད། །
- ཤར་ཙོང་ཁའི་སྐྱེས་རི་མཐོན་པོ་ནས། །
- རྗེ་རྒྱལ་བ་བློ་བཟང་གྲགས་པ་འཁྲུངས། །
- ལམ་བྱང་ཆུབ་རིམ་པའི་ཆོས་ཤིག་གསུངས། །
- བསྟན་ཡུན་རིང་མི་ནུབ་སྐྱིད་ཅིག་ཡོད། །
- གླུ་ཤེས་ཁུལ་བྱེད་ལ་དགོད་ཁ་སློངས། །
Loading ... - Music in Tibet
- Music of Amdo
- Northeastern Tibet (Amdo) Collections
- Folk songs (glu)
- India
- Serchen
- Tibetan